Social Sharing
ராமநாதபுரத்தில் ஆதரவின்றி சுற்றித்திரியும் மனநலம் பாதித்த வர்களை கண்டறிந்து பராமரிக்கும் எஸ்பி – சமூக ஆர்வலர்கள் நெகிழ்ச்சி…
இராமநாதபுரம், ஜுலை,31-
இராமநாதபுரம் மாவட்டத்தில் ஆதரவின்றி சுற்றித்திரியும் மனநலம் பாதித்த வர்களை கண்டறிந்து அவர்களை மீட்டு நாகரீக மனிதர்களாக மாற்றும் முயற்சியில் ஈடுபட்டுள்ள இராமநாதபுரம் மாவட்ட காவல் கண்காணிப்பாளர் டாக்டர் வருண் குமாரின் இந்த முயற்சிக்கு சமூக ஆர்வலர்கள் பாராட்டு தெரிவித்துள்ளனர்.
இராமநாதபுரம் மாவட்டத்தில் தற்போது கொரோனா வைரஸ் தொற்று நோய் அதிகமாக பரவி வருவதாலும் , வரும் மாதங்கள் மழைக்காலம் என்பதாலும் , மாவட்டத்தில் ஆதரவின்றி , மனநலம் பாதிக்கப்பட்ட நிலையில் சுகாதாரமின்றி ஆண் மற்றும் பெண் உட்பட பலர் ஆங்காங்கே சுற்றித்திரிவதாக மாவட்ட காவல் கண்காணிப்பாளரின் பிரத்யேக கைப்பேசி( 9489919722 )எண்ணிற்கு கிடைத்த தகவலின் அடிப்படையில் , 
மேற்படி நபர்களுக்கு மறுவாழ்வு கிடைக்க வேண்டும் என்ற நல்ல எண்ணத்தில் மாவட்டத்தில் உள்ள அனைத்து பகுதிகளிலும் ஆதரவின்றி , சுகாதாரமற்ற முறையில் சுற்றித்திரியும் நபர்களை கண்டறிந்து , அவர்களுக்கு ஆதரவுக்கரம் நீட்ட வேண்டும் என்ற மனிதாபிமான நோக்கத்தில் 
இராமநாதபுரம் மாவட்ட காவல் கண்காணிப்பாளர் டாக்டர் . V. வருண் குமார் உத்தரவுப்படி தனிப்பிரிவு சார்பு ஆய்வாளர் உதயகுமார் மற்றும் சரவணன், குமாரசாமி, உள்ளிட்ட தனிப் பிரிவு காவலர்கள் சார்பு ஆய்வாளர் மாதவன் ஆகியோர் மூலம் 
ஆதரவின்றி , மனநலம் பாதிக்கப்பட்டு , சுகாதாரமற்ற நிலையில் சுற்றித்திரியும் 52 நபர்களை கண்டறிந்து அவர்களின் அனுமதியுடன் இதுவரை 35 நபர்களுக்கு தலைமுடி வெட்டியும் , முகச்சவரம் செய்தும் அவர்கள் அணிந்திருந்த அழுக்கான , கிழிந்த , சுகாதாரமற்ற அரைகுறையான ஆடைகளை மாற்றியும் அவர்கள் உடுத்த புதிய ஆடைகள் , படுக்கை விரிப்புகள் மற்றும் போர்த்திக்கொள்ள போர்வை உள்ளிட்டவை வழங்கியும் , அவர்களுக்கு உண்ண உணவு வழங்கியும் , அவர்களின் பழைய தோற்றத்தை மாற்றி சமுதாயத்தில் மதிக்கத்தக்க நாகரீக மனிதர்களாக அடையாளப் படுத்தப்பட்டுள்ளார்கள் . மேலும் , அவர்களை தொடர்ந்து கண்காணித்து , பராமரிக்கவும் மாவட்ட காவல் கண்காணிப்பாளர் டாக்டர் வருண்குமார் உத்தரவிட்டுள்ளார். மாவட்ட காவல் கண்காணிப்பாளர் இன் இந்த செயல் சமூக ஆர்வலர்கள் மற்றும் பொது மக்கள் மத்தியில் பெரும் வரவேற்பை பெற்றுள்ளது… 
