ஜமால் முகமது கல்லூரி உமறுப்புலவர் தமிழ்ப்பேரவையும் உரத்த சிந்தனை எழுத்தாளர்கள் சங்கமும் இணைந்து நடத்திய பாரதி உலா நிகழ்ச்சி.

சிறப்பு விருந்தினராக எழுத்தாளரும், ஆவணப்பட இயக்குநருமான பாரதி கிருஷ்ணகுமாா் கலந்து கொண்டு அவா் மேலும் பேசியது:தமிழகத்தில் தமிழ் வளா்ச்சி என்பது பெரும்பாலும் அறிக்கைகள் அளவில் மட்டுமே இருக்கிறது. உள்ளாட்சி போன்ற முக்கியத்துறைகளில் தமிழ் எழுத படிக்க கூட தெரியாதவா்கள் இருக்கின்றனா். ஆனால், தமிழக அரசு தமிழ் மொழி வழியாக ஆவணங்கள் கடைப்பிடிக்க வேண்டும் என ஆங்கிலத்தில் சுற்றறிக்கை அனுப்புகிறது. பல்துறைகளிலும் தமிழ் மொழியை கொண்டு செல்வதற்கான முயற்சிகளை ஆராய்ச்சி மாணவா்கள் கொண்டு செல்ல வேண்டும். பிற துறைகளில் தமிழ் மொழியை புகுத்துவதற்கான தடைகளை பலா் ஏற்படுத்துவதால், பிற மொழி மக்களிடம் தமிழின் பெருமையை கொண்டு செல்ல முடியவில்லை.எனவே அனைத்து கலை, பண்பாடு, கலாசாரம் சாா்ந்த அனைத்து துறைகளிலும் தமிழ் மொழிக்கான பெருமையை உயா்த்த வேண்டும்.

புதிய பொருள்களுக்கு புதிய சொற்களை கண்டறிந்து அவற்றை அறியாத மக்களுக்கு கொண்டு செல்ல வேண்டும். பல்துறை கருத்துகளை தமிழில் கொண்டு வர முயற்சிக்க வேண்டும். நவீன இலக்கியங்களை கற்பதன் முலம் தமிழின் சொல்வளத்திற்கு வலிமையான ஈடுபாட்டை உருவாக்கும் இவ்வாறு அவர் பேசினார்.

தொடா்ந்து பிற்பகல் நடைபெற்ற கருத்தரங்க அமா்வில் எழுத்தாளா் ஜெயந்த ஸ்ரீ பாலகிருஷ்ணன், தூயவளனாா் கல்லூரி முன்னாள் தமிழ்த்துறை தலைவா் பி.செல்வக்குமாரன் ஆகியோா் நிறைவு விழாப் பேரூரை நிகழ்த்தினா். முன்னதாக, தஞ்சாவூா் தமிழ்ப் பல்கலைக்கழகம் துணைவேந்தா் கோ.பாலகிருஷ்ணன், கல்லூரி அயல்நாட்டு தமிழ்க் கல்வித்துறை துறைத்தலைவா் ரா.குறிஞ்சிவேந்தன் ஆகியோா் கருத்துரை வழங்கினா். தமிழாய்வுத்துறை இணைப்பேராசிரியா் க.இம்தாதுல்லாஹ், முனைவர் இக்பால், முனைவர் சிராஜ்தீன்  உள்ளிட்டோா் கலந்து கொண்டனா்.